इटहरी/दिनेश राउतको निर्देशन रहने चलचित्र ‘पूजार सार्की’मा अभिनेता पल शाह भित्रिएका छन् । अभिनेता शाह भन्दा पहिले अझै २ अभिनेता द्वय आर्यन सिग्देल र प्रदीप खड्का अनुबन्ध रहिसकेका छन् । आगामी माघको पहिलो साताबाट छायांकन सुरु हुने यस फिल्मको अभिनेत्री भने अझै सार्वजनिक गरिएको छैन ।
दर्शकको रोजाइका तीन स्टारहरू एकसाथ चलचित्रमा आउँदा यसले दर्शकमा छोड्ने छाप पनि स्मरणीय हुने अपेक्षा गरिएको छ । हालसम्म दर्शकलाई निराश नबनाएका निर्देशक राउत यस चलचित्रलाई विषयगत र व्यापारिक दुवै दृष्टिकोणबाट ब्लकबस्टर बनाउने दाउमा छन् । विकास सुवेदीले लेखेको यो चलचित्रलाई सङ्गीतकार सुभाष भुसालको बनाउँदै छन् ।
सांगीतिक क्षेत्रबाट पहिलो पटक चलचित्र निर्माण गर्न लागेका भुसालले एक दर्जन चलचित्रमा आफ्ना सङ्गीत दिएका छन् । उनका सुपर हिट गीत ‘लै लै’ , ‘बनकी चरी’, ‘जिन्दगीको के छ र भर’ र ‘सेल्फी किङ्ग’जस्ता थुप्रै गीत छन् । अझै रोचक कुरा त् के भने यी हिट गीतहरु निर्देशक दिनेशको निर्देशन रहेको फिल्म ‘प्रसाद’ र ‘सेल्फी किङ्ग’मा समावेश थियो ।
फिल्म ‘पूजार सार्की‘मा दिनेश राउत र सुभाष भुसाल सगै सहकार्य गर्न लागेका हुन् । यस पटक भने संगीतकार भुसाललाई नया रुप अर्थात् निर्माताको रुपमा देखन सकिनेछ । ‘पूजार सार्की‘ किङ्गडम नेटवर्कको ब्यानरमा बन्नेछ भने आरआर फिल्मसले वितरण गर्नेछ।
Discussion about this post