इटहरी/ सुदर्शन थापाको निर्देशनमा निर्माण भएको फिल्म ‘सम्हालिन्छ कहिले मन’ युट्युबमा सार्वजनिक भएको छ । हलमा रिलिजको बेला यो फिल्मले राम्रो व्यापार गर्न सकेको थिएन् तर, युट्युबमा सार्वजनिक भएको ३ दिनमै युट्युब नेपाल ट्रेन्डिङको यात्रा थालनी गरेको छ । अर्थात यो समाचार तयार गर्दैगर्दा फिल्मले १७ लाख बढी भ्युज बटुल्दै ट्रेन्डिङको १० औं स्थानमा पुगेको छ । ट्रेन्डिङ र भ्युजमा यो फिल्मले निरन्तर फड्को मारिरहेको छ ।
महेश दवाडीको लेखन रहेको ‘सम्हालिन्छ कहिले मन’मा पूजा शर्मा, आकाश श्रेष्ठ, सोनम तोप्देन, सरोज खनाल, धिरेन शाक्य र गौरी मल्ल लगायतको अभिनय रहेको छ । यस फिल्ममा कविराज गहतराजले नृत्य निर्देशन, सौरव लामाले डिओपी, श्याम भट्टाचार्य र सत्यम राणाले भी.एफ.एक्स. सुपरभाईजर, जता शंकर गोशैले आर्ट निर्देशन, राजेन्द्र मोक्तानले कलर ग्रेडिङको र अर्जुन जी.सी.ले फिल्म सम्पादनको काम सम्हालेका छन् । हेर्नुस् पूरा फिल्म
यस फिल्ममा समाबेश गीतमा अर्जुन पोखरेल, तारा प्रकाश लिम्बु, जेम्स प्रधानको संगीतमा सैलेन्द्र एम प्रधान (बाबु)ले पृष्ठभूमि संगीत दिएका छन् भने मुकेश शाहले ध्वनि डिजाइनरको जिम्मेवारी हेरेका हुन् । फिल्मको गीतलाई सुगम पोखरेल, अन्जु पन्त, सुरेश लामा, तारा प्रकाश लिम्बु, अनु चौधरी, दीपा लामा र सोनम थोप्देन जस्ता चर्चित गायक गायिकाले आफ्नो सुमधुर आवाजमा मन्त्रमुग्ध परेका छन् । अमित बस्नेत, अजित के.आर. थापा र परि राणा यो फिल्म्का निर्माता हुन भने सनिश खकुरेल, अङ्कित गौतम र अजित पल शिह कार्यकारी तथा लाईन प्रोड्युसरहरु हुन् ।
Discussion about this post