इटहरीमा छात्रवृत्तिसहित पिफ्टको ‘फिल्म अभिनय’मा एक वर्षे डिप्लोमा कक्षा

इटहरी/ फिल्मको विभिन्न बिषयमा पढाइ हुने कोशी प्रदेशको एकमात्र पुर्वान्चल इन्स्टिच्युट अफ फिल्म एण्ड टेलिभिजनले ‘अभिनय’मा एक वर्षे डिप्लोमा कार्यक्रम अन्तर्गत भर्ना खुलाएको छ । यस्तै ‘फिल्म अभिनय’ मा भने ईन्स्टिच्युटले छात्रवृत्ति सहित भर्ना खुलाएको हो । फिल्मको बारेमा अध्ययन गर्न काठमाडौ वा मुम्बई नै पुग्नुपर्ने बाध्यतालाई केही मात्रामा भएपनी हल गर्दै यो इन्स्टिच्युटले विगत २ वर्षदेखि इटहरीमा सेवा प्रदान गर्दै आईरहेको छ ।

डिप्लोमा कार्यक्रममा भर्ना भएर विद्यार्थीहरूलाई चलचित्र र टेलिभिजन उद्योगका अनुभवी प्रशिक्षकबाट कक्षा दिइने ईन्स्टिच्युटका संचालक रोनिश राउतले बताए । अभिनयमा दक्षता हासिल गरेका प्रशिक्षकबाट एक वर्षे डिप्लोमा कार्यक्रम अन्तर्गत अभिनय सिद्धान्त र सुधार, दृश्य अध्ययन, आवाज र द्वन्द्व, चरित्र विकास, अडिसन प्रविधिहरू सहित अभिनयका विभिन्न शैलीका विषयहरूमा बिस्तृतमा अध्यापन गराईने छ । फारम बैशाख १ गतेदेखी ३० गतेसम्म भर्न सकिनेछ भने कक्षा संचालन जेठ पहिलो साताबाट सुरु हुने जनाईएको छ ।

अभिनय तथा फिल्म अध्ययनमा रुचि राख्ने तर आर्थिक अवस्था कमजोर भएकाहरुको लागी बिशेष ध्यानमा राखेर यो ईन्स्टिच्युटले छात्रवृत्तिको योजना अघि सारेको हो । ईन्स्टिच्युटले इच्छुकहरुका लागी अनलाइन फारमको ब्यवस्था गरेको छ । अध्ययन गर्न चाहनेहरुले दिइएको गुगल लिन्क https://forms.gle/6cYry9R8Km8TxhcP7 मा क्लिक गरि त्यहाँ देखिने फारम भरेर अनलाइन अप्लाई गर्न सकिने संचालक राउतले जानकारी गराए । यस ईन्स्टिच्युटमा अध्ययन गरेका विद्यार्थीहरुले छोटा फिल्म, म्युजिक भिडियो देखी ठुला ब्यानरका फिल्महरुमा समेत अभिनयको मौका पाईसकेको छ ।