इटहरी/ चर्चित तथा लोकप्रिय गीतकार दिपक शर्माको मर्मस्पर्शी शब्द रचना रहेको ‘अर्कैको सिन्दुर लायौ’ गीतको भिडियो सार्वजनिक भएको छ । लोकप्रिय गायक प्रमोद खरेलको सुमधुर स्वरमा सजिएको यस गीतमा सुवास कार्कीको कम्पोज, बिशाल निरौलाको संगीत संयोजन र अडियो मिक्सिङ्ग रहेको छ । सार्वजनिक भिडियोमा हाम्रो समाजमा हुने यथार्थ घटनाको चित्रण गरिएको छ ।
हाम्रो समजमा अझै यस्ता ठाउँ पनी छन् जहाँ मायामा बिछोड हुने र त्यो पिंडामा ज्यान गुमाएका उदाहरणहरु पनि छन् । बिडम्बना हाम्रो सोचको भनौ एक अर्काको लागि समर्पित भएकालाई आफ्नो परम्परा इज्जतको लागि छुटाएर बिहे गराएर आफ्नै सन्तानको हत्यारासम्म पनि बन्न तयार रहेको हाम्रो शिक्षित भनिने समाजको जस्ताको त्यस्तै सार्वजनिक भिडियोमा देखाइएको छ ।
म्युजिक भिडियोमा समिप निरौला, सिर्जना कोइराला, सुवाष शाह, जय चौलागाई र दिपेन्द्र राज गिरिको अभिनय रहेको छ । राम के.सि.को छायाँकन, टेकेन्द्र शाहको सम्पादन र समिप निरौलाको लेखन तथा निर्देशनमा ‘अर्कैको सिन्दुर लायौ’ बोलको म्युजिक भिडियो तयार पारिएको हो । भिडियोको निर्मात्री सिता अधिकारी हुन् । ‘समिप निरौला’ युट्युव च्यानल मार्फत म्युजिक भिडियो सार्वजनिक भएको हो । हेर्नुहोस भिडियो ।
समिप निरौलाको निर्देशमा तयार पारिएको भिडियोमा प्रमुख सहायक निर्देशक र सहायक निर्देशकको कार्यभार क्रमस : माधव शर्मा, सुवास शाह र सुदर्शन खत्रीले सम्हालेका छन् भने शृंगारको काम सबिना उप्रेतीले हेरेकी हुन् । यसअघि गायक खरेलको आवाजमा गीत थुप्रै भिडियोहरु सार्वजनिक भैसकेका छन् ।
Discussion about this post