इटहरी/ नेपाली फिल्म उधोगका सफल फिल्म निर्माता रोहित अधिकारीले यो मङ्सिर भित्रै २ फिल्मको छायांकन गर्ने चाँजोपाजो मिलाएका छन् । उनले यहि मङ्सिर ११ गतेदेखी अनमोल केसी र जसिता गुरुङ प्रमुख भुमिकामा रहने फिल्म ‘फर्की फर्की’ लाई फ्लोरमा लग्दैछन् । त्यस्तै यहि मङ्सिरको अन्तिमतिर अर्थात २५ गतेदेखी खगेन्द्र लामिछाने, दयाहाङ राई र दिव्या रायमाझी प्रमुख भुमिका रहने फिल्म ‘वरिष्ठ बलराम’ फ्लोरमा लग्दैछन् ।
एकसाथ २ फिल्म छायांकनमा लैजान आर्थिक तथा व्यवस्थापन संगै गुणस्तरीयता माथी प्रश्न उठ्न सक्छ । तर, चुनौतीलाई सामना गर्न सिपालु निर्माता रोहितले कुनै पनि कुरामा कन्जुस्याइँ नगर्ने बताए । फिल्मको स्तरीयतामा विशेष जोड दिने उनको भनाई छ । उनले यी फिल्महरुका लागी पछिल्लो समय चल्तिका कलाकारहरुलाई अनुबन्ध गरिरहेका छन् । त्यस्तैमा उनले माओत्से गुरुङलाई पनि यी दुबै फिल्ममा अनुबन्ध गरेका छन् ।
गुरुङलाई रोहितले आज कागजी सम्झौता गर्दै एकसाथ २ फिल्म वरिष्ठ बलराम र फर्की फर्कीमा अनुबन्ध गरेका हुन् । फर्की फर्की फिल्म अनमोल केसीका कारण चर्चामा छ भने छायांकन अगाबै टिजर सार्वजनिक भएपछि यो फिल्म थप चर्चामा छ । यो फिल्मलाई सुयोग गुरुङले निर्देशन गर्दैछन् भने फिल्मको कथा पनि उनले तयार गरेक हुन् । यो फिल्म निर्मातामा ओएसआर डिजिटलका संचालक ओम प्रकाश अग्रवाल पनि रहनेछन् । आलोक शुक्लाले यो फिल्म फर्की फर्कीलाई छायांकन गर्नेछन् ।
यस्तै वरिष्ठ बलराममा पनि निर्माणमा रोहितलाई ओम प्रकाश अग्रवालले सघाउदैछन् भने सह निर्मातामा मनोज ओलि र रामु न्यौपाने रहनेछन् । प्रमुख कलाकारको रुपमा देखिने दिव्या रायमाझीले यहि फिल्मबाट नेपाली फिल्म उधोगम अभिनेत्रीको रुपमा डेब्यु गर्दैछिन् । उनी एक जमनाका सफल र लोकप्रिय अभिनेता दिलिप रायमाझीको छोरी हुन् । खगेन्द्र लामिछानेले लेखेको यो फिल्मलाई सुशन प्रजापतिले छायांकन गर्नेछन् । यी दुबै फिल्मलाई ओएसआर डिजिटलको सहकार्यमा रोहित अधिकारी फिल्मको ब्यानरमा निर्माण गरिदैछ ।
Discussion about this post