इटहरी/ छोटो भिडियो साझेदारी साइट टिकटक नेपालमा प्रतिबन्ध भएपछि यतिबेला यो बिषय राष्ट्रिय बहसकै रुपमा देखिएको छ । ठुला पार्टीहरु पनि सरकारको यो निर्णय बिरुद्धमा उभिएका छन् भने टिकटक प्रतिबन्ध हटाउन भन्दै सरकारको निर्णय बिरुद्ध सर्वोच्च अदालतमा १० ओटा रिट दर्ता भएको छ । जसको सुनुवाइ मङ्सिर ४ गते हुँदैछ ।
यता सेलेब्रेटीहरुले पनि आफ्नो-आफ्नो तर्क सामाजिक संजाल मार्फत सार्वजनिक गरिरहेका छन् । यस्तैमा अभिनेत्री रेखा थापाले पनि यो बिषयमा आफ्नो धारण ब्यक्त गरेकी छन् ।
उनले सामाजिक संजाल एक्समा एक पोस्ट गर्दै ‘यति सानो एउटा एप बन्द हुँदा यस्तो रुवाबासी गर्ने केही नेता र केही सो–कल्ड इन्टलेक्चुअल (कथित बौद्धिक)ले देश बनाउने रे ।’ भन्दै लेखेकी छन् । राप्रपाकी नेतृसमेत रहेकी रेखाले यो तिर ठुला पार्टीका नेताहरुलाई हानेको प्रस्टै बुझ्न सकिन्छ । सरकारको यो निर्णय विरुद्ध रास्वपा, काङ्ग्रेस, एमाले जस्ता ठुला पार्टिका नेताहरूले बिरोध गरिरहेका छन् ।
Discussion about this post