माघ २६ मा ‘दयारानी’ रिलिज हुने पक्का

इटहरी/अहिलेका ब्यस्त अभिनेता दयाहाङ राईको फिल्म यो वर्ष छायांकन हुने र रिलिज हुने चर्काचर्की चलेको छ भने अब आएर आफ्नै फिल्म सगै जुहारी खेले झैँ एउटै मितिमा प्रदर्शन हुने भएको छ । यदि, निर्माताबिच समझदारी भएन भने माघको २६ गते नायक दयाहाङ राइले अभिनय गरेका २ फिल्म हलमा लाग्ने भएका छन् । अझ एउटै अभिनेताको २ फिल्म सगै रिलिज हुदा कसले कतिको दर्शकको माया र साथ पाउला भन्ने कुरा एक आफै पनि जिज्ञासु र चुनौती पूर्ण छ ।

यो मितिमा दयाको मुख्य भूमिका रहेको फिल्म ‘हात्तीछाप’ रिलिज हुने पक्का भैसकेको छ भने दयाहाङ राई र दिया पुनको मुख्य भूमिका रहेको अर्को फिल्म ‘दयारानी’ पनि माघको २६ रिलिज मै रिलिज हुने भएको छ । यस फिल्मको प्रदर्शन मिति आज घोषणा गरिएको हो । यो फिल्मलाई माओत्से गुरुङले लेखन तथा निर्देशन गरेका हुन् । बासुरी फिल्मस् र माओत्से गुरुङ फिल्मस्को ब्यानरमा यो फिल्म बनेको हो । फिल्ममा मोहन गुरुङ, न्यू आइटी भेन्चर, किरण गुरुङ, केन्द्र लिम्बु, खुशीमान गुरुङ, सुरेन्द्र गुरुङ र सुर्य प्रकाश गुरुङको लगानी छ ।