नेपालले सुखद प्रस्तुति दिएको ‘मिस इन्टरनेसनल २०२३’को बिजेता बनिन् भेनेजुएलाकी एन्ड्रिया

इटहरी/ अमेरिकी मुलुक भेनेजुएलाले ‘मिस इन्टरनेसनल २०२३’ को ताज जितेको छ । जापानको टोकियोमा बिहिवार राती आयोजना भएको मिस इन्टरनेसनल २०२३ को फिनालेबाट एन्ड्रिया रुबियोले उपाधी जितेकी छन् । नेपालको समेत सहभागीता रहेको उक्त प्रतियोगितामा मिस नेपाल इन्टरनेसनल २०२३ कि बिजेता प्रसिद्धी शाहले नेपालको प्रतिनिधित्व गरेकी थिइन् । उनले मिस इन्टरनेसनल २०२३ को अन्तिम १५ भित्र छनौट हुन नसके पनि उनको प्रस्तुतिले राम्रो तारिफ बटुलेको छ । उनले फिनालेमा पञ्चबुद्धको थांका जडित राष्ट्रिय पोशाक प्रस्तुत गरेकी थिइन् ।

उक्त पोशाकलाई मिस इन्टरनेसनलको च्यारिटीका लागि ‘अक्सन’मा राखिएको छ । सो कुरा उनले सामाजिक संजालबाट जानकारी गराएकी छन् । जापानी एन ३२ हजारमा बिक्रि भएको पनि उनले जनाएकी छन् । मिस इन्टरनेसनल २०२३ को फिनालेबाट दक्षिण अमेरिकी मुलुक कोलम्बियाकी सोफिया ओसियो फस्ट-रनरअप, पेरुकी क्यामिलिया डियाज सेकेन्ड रनर-अप, फिलिपिन्सकी निकोल बोरोमियो थर्ड रनर-अप र बोलिभियाकी भेनेसा हेस फोर्थ रनर-अप बनेकी छन् ।