इटहरी/ नेपालमा वेब सिरिज निर्माणको कार्य बढेर गएको छ । यस्तैमा ‘आरती’ नामक एक वेब सिरिजको ट्रेलर सार्वजनिक गरिएको छ । जघन्य अपराध, बलात्कार र महिला हिंसाको कथालाई मुख्य रुपमा उठान गरिएको यो सिरिजको २ मिनेट ४९ सेकेन्डको ट्रेलर युट्युबमा सार्वजनिक गरिएको हो । आरती सिरिजमा नूतन, राज पौडेल, गीता श्री, लक्ष्मण अधिकारी, मनिषा गिरी, शिव कुर्मी, दीप नारायण शर्मा, हरि प्रसाद कडेल र संसार अधिकारीको प्रमुख अभिनय रहेको छ ।
रोशन दासको कथा र निर्देशन रहेको यो आरति वेब सिरिजको कथा लेखन हिक्मत शर्माले गरेका हुन् । ट्रेलरलाई मैथिली र नेपाली गरी दुईवटा भाषामा रिलीज गरिएको छ । हेर्नुस ट्रेलर
मैथिली भाषामा नैरेशन र संवाद-अनुवाद विद्यानन्द बेदर्दीले गरेका हुन् भने डब्बिङ्ग स्वर सरोज खिलाडी, राम भजन कामत, कृष्ण कुमार महतो, गीता श्री, अनन्त अनुराग, गजेन्द्र गजुर, गायत्री सिंह, शिवम मिश्रा, रोशन साह, रूपा यादव र रवि शर्माको रहेको छ । सिरीजलाई नितेश घतानले खिचेका हुन् भने कवीर ओडले सम्पादन गरेका छन् । आशिष दास निर्माता र राकेश शाह क्रियटिभ निर्माता रहेका छन् ।
Discussion about this post