इटहरी/ आगामी मङ्सिर २९ गतेबाट सार्वजनिक प्रदर्शनमा आउने नेपाली फिल्म ‘दुई कदम’को टिजर सार्वजनिक भएको छ । आइतबार दशैंको पहिलो दिन अर्थात घटस्थापनाको अवसर पारेर निर्माण युनिटले फिल्मको १ मिनेट ४० सेकेन्ड लामो टिजर ओएसआर डिजिटलको युट्युब च्यानलबाट सार्वजनिक गरेको हो । यो फिल्मको टिजरमा प्रेम, रोमान्स र द्धन्द्व हावी भएको देखिन्छ । यहि फिल्मबाट नेपाली फिल्म उधोगमा अभिनेताको रुपमा डेब्यु गर्न लागेका नव अभिनेता इओन लिम्बुलाई प्रमुख प्राथमिकता दिएको बुझ्न सकिन्छ ।
टिजरमा अभिनेता इओन र अर्कि डेब्यु अभिनेत्री सिमोन गिरिबिचको प्रेम र द्वन्द्वले प्रमुख प्राथमिकता पाएको छ भने सुनिल थापा, कविता आले, सुरवीर पन्डित, प्रेम सुब्बा र गौरव पहारीलाई सार्वजनिक टिजरमा स्थान दिइएको छ । उदय सुब्बाको निर्देशनमा तयार भएको ‘दुई कदम’ फिल्मको एक गीत मुस्ताङमा छायांकन गरिएको थियो भने फिल्मको बाँकी सम्पुर्ण छायांकन कोशी प्रदेशको धनकुटा, तेह्रथुमको वसन्तपुर, इलाम, झापा र धरानमा गरिएको थियो । हेर्नुस् टिजर
अजम्बरी फिल्मस्को व्यानरमा निर्माण दुई कदम फिल्ममा तारा देवी लिम्बु निर्माताको रुपमा रहेकी छन् । यो फिल्मको एक गीतमा अभिनेता विल्सन विक्रम राई पनि विशेष भुमिकामा देखिनेछन् । दयाराम घिमिरेको कथा तथा पटकथा लेखन रहेको यो फिल्ममा इओन र सिमोनका अलावा सुनिल थापा, कविता आले, सुरवीर पन्डित, प्रेम सुब्बा र गौरव पहारीसंगै बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको को पनि अभिनय रहेको छ ।
Discussion about this post