ज्योती मगरसहित नायिका तथा मोडल यौन धन्दामा सक्रिय भन्दै प्रचार, मगर कानुनी प्रक्रियामा जाने

इटहरी/ बेलाबखत नेपाली मोडल तथा अभिनेत्रीहरुको अनैतिक क्रियाकलाप सहितका खबरहरु बाहिरिन्छन् । तर, त्यो सस्तो लोकप्रियताका लागी मात्रै आइरहेको यथार्थ सबैले देखेकै हो । पछिल्लो समय एक पेजमा ‘नेपाली नायिका तथा मोडलहरु नै यौन धन्दामा सक्रिय भएको खुलासा, ज्योति मगर सहित ७ जना पक्राउ’ शिर्षकमा पोस्ट भएपछि गायिका तथा मोडल ज्योतीले आपत्ति जनाएकी छन् । तर, उक्त टाईटल रहेको लिंक खोलेर हेर्दा भने केही नभएको गायिका मगरले बताएकी छन् ।

उनी यतिबेला कार्यक्रमको सिलसिलामा रुकुम पुगेकी छन् । उनी त्यता रहँदा ‘mother’s love’ नामक फेसबुक पेजमा भने यौन धन्दामा सक्रिय भएको र पक्राउ परेको भनेर भ्रम छरिएको हो । मगरले आफ्नो फेसबुकमा एक स्ट्याटस लेख्दै आफू कार्यक्रमको लागी ब्यस्त रहेको कारण लिगल एक्सन लिन नसकेको जनाएकी छन् । ज्योतिका अनुसार उक्त पोस्टमा धेरै लाईक र कमेन्टसहित भ्युजको ओइरो आइरहेको छ भने अहिले त्यो टाइटलको स्कृनसट धमाधम प्रचारप्रसार भैरहेको छ ।

हेर्नुस् उनको स्ट्याटस जस्ताको त्यस्तै ‘आज एउटा ले पोस्ट को टाइटल हालेछ “नेपाली नायिका तथा मोडल हरु नै यौन धन्दा मा सकृय भयको खुलासा,ज्योती मगर सहित 7 जना पक्राउ”…अनि त्यो न्युज को लिङ्क भित्र केही पनि छैन रैछ मैले त्यो पेज खोलेर हेरे… ऐले त्यो टाइटल को स्क्रीन शट धमाधम प्रचार प्रसार भैरहेको छ इनबक्स मा र त्यो पेज को त्यो लिङ्क मा सबै भन्दा धेरै लाइक कमेन्ट र भ्युज को ओइरो छ…अहिले काम को ब्यस्तताको बाबजुत म लिगल एक्सन लिन सकिरहेको छैन म भोलि को प्रोग्राम को लागि रुकुम को यात्रा गर्दै छु… तेतिन्जेल मलाइ त्यो स्कृन सट पठायर मेन्टल ह्यरेस्मेन्ट नगर्दिन हुन हार्दिक अनुरोध…’