इटहरी/ अभिनेता अनमोल केसिको प्रमुख अभिनय रहने फिल्म ‘फर्की फर्की’ को टिजर सार्वजनिक गर्दै अफिसियल घोषणा गरिएको छ । युट्युबमा सार्वजनिकसंगै सो टिजर सिनेमा हलहरुमा पनि देखाउन थालिएको छ । निर्माता रोहित अधिकारीको निर्माण रहने फिल्मको छायांकन भने तिहारपछिबाट सुरु हुनेछ । आफ्नो फिल्मको प्रचारलाई व्यापक बनाउन माहिर रोहितले ‘फर्की फर्की’ को एनाउन्समेन्ट टिजरलाई पनि ठुला बलिउड रिलिज भएसंगै हिजो बिहिवारबाट हलहरुमा देखाउन थालेका हुन् भने आज शुक्रबार युट्युबमा सार्वजनिक गरिएको हो ।
रोहित अधिकारी फिल्मसको ब्यानरमा निर्माण हुने ‘फर्की फर्की’ को टिजरमा अनमोल केसिलाई मात्रै प्रस्तुत गरिएको छ । टिजर यहि शनिबार छायांकन गरिएको थियो । सुयोग गुरुङको निर्देशन रहने फिल्ममा अनमोलको जोडिको रुपमा जसिता गुरुङ रहनेछिन् । हेर्नुस् टिजर ।
छड्के २ पछि कुनै पनि फिल्ममा नदेखिएका अनमोलले यो फिल्मलाई आफ्नो विशेष फिल्मको रुपमा लिएका छन् । जसको लागी अहिले उनी तयारीमा समेत जुटेका छन् । यस वर्ष ३ ओटा फिल्म घोषणा गरेका रोहितले फर्की फर्की संगै वरिष्ठ बलराम र एक अर्को अनटाइटल प्रोजेक्टको काम अघि बढाइसकेका छन् । रोहित पनि यो फिल्म फर्की फर्कीलाई लिएर उत्साहित छन् । अनमोल र जसिताको जोडिलाई यो फिल्मले स्थापित बनाउनेमा आफू ढुक्क रहेको रोहित बताउछन् ।
Discussion about this post