इटहरी /श्रीलंकामा सोमबार भएको एशिया कप क्रिकेटमा नेपाल र भारत ले खेलेका थिए । सो क्रममा भारतका चर्चित क्रिकेटर बिराट कोहली ले भने नेपाली बहुचर्चित गीत ‘ कुटूमा कुटु ‘ मा नाचेका छन् । जुन अहिले भारतीय मिडियामा समेत चर्चाको बिषय बनेको छ । नेपाली गीतमा बिराटले नाचेको भिडियो सार्वजनिक भएसंगै स्वस्तिमा खडका र आसिफले अभिनय गरेको फिल्म ‘२ रुपैया ‘ को गीतले फेरी लोकप्रियता पाएको छ ।
आज भन्दा ६ बर्ष आगाडी प्रदर्शन भएको उक्त फिल्मले ब्यापारिक रुपमा सफालता हासिल नगरेपनि ‘कुटुमा कुटु ‘ गीत भने सर्वाधिक हिट छ। युटुयुबमा यो गीतको भिडियोलाई हालसम्म १९ करोड ३६ लाख भन्दा बढी पटक हेरिएको छ भने बिराटले नाचेपछी भिडियोको भ्युज अझै उकालो लाग्ने क्रममा छ । त्यस्तै यो भिडियोको कमेन्टमा नेपाल भन्दा बाहिरका दर्जनौ युट्युब प्रयोगकर्ताहरुले बिराटको डान्स पछि यो गीत हेरेको भन्दै प्रतिक्रिया दिएका छन् ।
क्रिकेट जगतमा नेपालले अन्तर्रास्ट्रिय खेल खेलेपनि एसिया कप खेल्ने मौका पहिलो पल्ट पाएको हो भने भारतसंग सोमबार पहिलो पटक खेलेको हो। जसमा सुरुमा राम्रै प्रदर्शन गरेपनि भारतले १० विकेट लिदै नेपालले हार बेहोर्नु परेको थियो । यो खेल, खेलमा मात्रै सिमित रहेन भारतीय खेलाडीले नेपाल तथा नेपाली गीत प्रतिको देखाएको माया प्रत्यक्ष झल्किएको छ । बिराटको यो डान्सले नेपाली मात्र नभई देश तथा विदेशका उनका फ्यान र फलोअर्सहरुले नेपाल र नेपाली गीत, संगीतलाई चिन्ने मौका पाएका छन् । यो गीत फिल्मको भएको कारणले नेपाली फिल्म उधोगलाई अन्तर्रास्ट्रिय बजारमा आफ्नो प्रभाव जमाउन ठुलो मौका मिलेको बुझ्न सकिन्छ ।
Discussion about this post