ऐँचो पैँचो ट्रेलर: राजनैतिक प्रतिशोध साँध्ने स्वस्तिमा खड्का

इटहरी/ रिलिजको नजिकिदै जाँदा फिल्म ‘ऐँचो पैँचो’को ट्रेलर सार्वजनिक गरिएको छ । भाद्र १४ गते रिलिज हुने सो फिल्मको ट्रेलरमा राजनीतिक कथालाई बिशेष स्थान दिइएको छ । ट्रेलरमा अभिनेत्री स्वस्तिमा खड्कालाई चुनावमा नेतृत्व गर्ने नेत्रीको रुपमा प्रस्तुत गरिएको छ । राजनैतिक प्रतिशोध साँध्न फिल्ममा उनको उपस्थिति बलियो बन्ने देख्न सकिन्छ ।

जसका कारण फिल्ममा उनको भुमिका सशक्त भएको अनुमान लगाउन सकिन्छ । यो फिल्ममा उनको चर्चा यसअघि सार्वजनिक पोस्टर, टिजर र गीतका कारण पनि निकै बढेर गएको थियो । हेर्नुस् ट्रेलर ।

कृषा चौलागाईँले निर्देशन गरेको फिल्म ‘ऐँचो पैँचो’ को ट्रेलरमा फिल्मका मुख्य सबै कलाकारहरुलाई अटाईएको छ । फिल्ममा स्वस्तिमा खड्का, मुकुन भुषाल, बर्षा राउत, सुशिल सिटौला, कोशिस क्षेत्री, रमेश बुढाथोकी, राजाराम पौडेल, बुद्धि तामाङ, रविन्द्र झा, सरिता गिरी, विशाल पहारी लगायतका कलाकारको अभिनय रहेको छ । प्रितम लामिछाने र आध्या लामिछाने निर्माता रहेको यो फिल्ममा अभिमन्यु निरवीको कथा समावेश गरिएको छ ।