इटहरी/ हिन्दु नेपाली महिलाहरुको महान पर्व हरितालिका तिज आउन अझै २ महिना बाकी छ । यता संगीतकर्मी, गायक तथा मोडलहरुलाई भने अहिलेदेखी नै तिजको चाटारो सुरु भैसकेको छ । कोहि गीत रेकर्डमा ब्यस्त छन् त कोहि तीज गीतको छायांकनमा ब्यस्त । यता बिगत ३ सातादेखी युट्युबमा तीजका गीतहरु सल्बलाउन थालिसकेका छन् । हरेक साता दर्जनदेखी २० ओटा भन्दा बढी तीजका गीतहरुको भिडियो युट्युबमा सार्वजनिक भैरहेका छन् । नेपाली चाडपर्व विशेषमा सबैभन्दा धेरै यहि तीजलाई नै लक्षित गरेर हरेक वर्ष सयौ गीतहरु निर्माण हुन्छन् ।
अन्य चाडपर्वमा भने खासै निस्किदैनन् । दशै तिहारलाई लक्षित गरेर पनि गीतहरु निर्माण त हुन्छन् । तर, तिजलाई हेरिकन त्यो एक छेउ पनि हुदैन । हुनपनी नेपालीको महान चाड दशै तिहारको हरेक वर्ष महत्त्व घट्दै गैरहेको छ । यता तीज भने फस्टाउदै छ । नफस्टाओस पनि कसरी ? महिलाहरु सजिसजावट भएर दर खाने पर्व पो हो तिज । अझै टिकटकले गर्दा त यसको महत्त्व झनै बढेको बुझ्न सकिन्छ । तिजको मज्जा टिकटकमा अझै धेरै छ ।
यस्तै यो तीज गीतहरु पनि नेपाली फिल्म जस्तै हो । कुन कतिबेला हिट हुन्छ वा हुन्न भन्ने पत्तो हुँदैन । चली पो हाल्छ कि भन्ने सपना बोकेर तीजको गीत तथा भिडियो निर्माण गरेपनी दर्जन गीतमा चल्ने त्यही ३/४ ओटा मात्रै हो । अरु त सबै खडेरीको खेत जस्तै । लगानी स्वाहा । सबै गीतहरुमा तीजको लहर आयो बरिलै, चिटिकै भाछु रे जस्ता गीतको स्वाद पाइदैन् । कि त बीच बिचमाको स्टाईल दिनुपर्यो । अनि चल्छ । नत्र त उहि, उडायो सपना सबै हुरिले ।
Discussion about this post