सार्वजनिक गीतको भिडियो ‘दमाई महाराज’मा पनि चुकेकै हुन् त प्रकाश सपूत ?

इटहरी/ लोकप्रिय गायक प्रकाश सपुतले नयाँ गीतको भिडियो सार्वजनिक गरेका छन् । शुक्रवार युट्युबमा सार्वजनिक गरिएको ‘दमाई महाराज’ बोलको उक्त गीत तथा भिडियोले यतिबेला लोकप्रियता कमाईरहेको छ । २४ घण्टा नपुग्दै भिडियो युट्युब ट्रेन्डिङको पहिलो स्थानमा पुगेको छ भने यो अवधिमा १५ लाख भन्दा बढी पटक हेरिएको छ । यता लोकप्रियता कमाउदै गर्दा उनी यो गीतमा पनि चुकेको चर्चा सुरु भएको छ । भिडियोमा उनी इन्ट्री हुँदै गर्दा जब माला जप्दै र सबैलाई अभिवादन गर्दै मञ्च तर्फ प्रवेश गर्छन् ।

उनी त्यही चुकेको चर्चा चलेको हो र गलत तरिकाले माला जपेका छन् भन्ने अवस्था सिर्जना भएको छ । हिन्दु धर्म अनुसार उनले जसरी माला जपेका छन्, त्यो गलत हो भन्ने चर्चा चलेसंगै यसबारे हामिले बुझ्दै जादा सनातन धर्म गुरु तथा पण्डित कुवेर सुवेदीका अनुसार कसैलाई सताउनु पर्यो वा दुख दिनुपर्यो भने चोरी औंलाको प्रयोग गरिन्छ । हिन्दु धर्म अनुसार चोरी औला र कान्छी औलाले नछोइ माला जपिन्छ, यो शान्ती दायक र धन बढ्नेमा विश्वास गरिन्छ । यसर्थ सपुतले भिडियोमा चोरी औलाको सहयोगमा माला जप्दै गरेको देख्न सकिन्छ ।

कसैलाई सताउन वा दुख दिनलाई धार्मिक सप्ताह पुराण पक्कै लगाईदैन । त्यसैले भिडियोमा जसरी माला जपिएको छ । त्यसले गर्दा गलत सन्देश गएको बुझ्न सकिन्छ । धर्मका बारेमा साना साना कुराहरूलाई पनि महत्त्वपूर्ण रुपमा लिइन्छ । यसरी गलत तवरले माला जपेको दृष्य देखाउदा अब यस्ले कस्तो रुप लिन्छ ? त्यो त आगामी दिनले बताउने नै छ । सपुतका प्रायः गीतहरु हिट छन् । र, प्रायः गीतहरु एक न एक विवादको झमेलामा परेको नै हुन्छ । यो गीत तथा भिडियो पनि त्यसबाट अछुतो रहन सकेन् । उनले भिडियो मार्फत सकारात्मक सन्देश दिएका छन् । तर, त्यही एक दृष्यका कारण गलत अर्थ नै त लाग्ने हैन ? भन्ने प्रश्न पनि उब्जिएको छ ।

जातीय विभेद विरुद्धको रुपमा रहेको गीतमा प्रकाश सपूत र गायिका शान्ती श्रीको स्वर समावेस गरिएको छ भने गीतमा गायक सपुतकै शब्द तथा संगीत रहेको छ । भिडियोमा पनि उनी नै मुख्य रुपमा प्रस्तुत भएका छन् । उनले यसअघि सार्वजनिक गरेर सर्वाधिक हिट भएको गीत तथा भिडियो ‘बोलमाया’ र ‘गलबन्दी’को अन्तिम भागको रुपमा सपुतले यो गीत ‘दमाई महाराज’लाई सार्वजनिक गरेका हुन् । यो गीतको भिडियोमा प्रकाशसंगै अञ्जली अधिकारी, गीत ढुंगाना, गरिमा शर्मा, प्रभात ठकुरी, सुनिल विक, पुष्पा अवस्थी, विराज थापा, लोकनाथ वाग्ले, विशाल घिमिरेलगायतको अभिनय रहेको छ । प्रभार सपूत र दिप्लव बिकलाई बालकलाकारको रुपमा प्रस्तुत गरिएको छ ।