इटहरी/ नेपाली फिल्म निर्देशकहरुको हकहितमा काम गर्ने संस्था ‘नेपाल चलचित्र निर्देशक समाज’ को नयाँ नेतृत्वमा जनकदीप पराजुली निर्विरोध निर्वाचित भएका छन् भने नेपाल चलचित्रकर्मी महासंघ प्रदेश १ का अध्यक्ष समेत रहेका अरुण कुमार प्रधान महासचिवमा निर्वाचित भएका छन् ।
शनिबार काठमाडौमा सम्पन्न १५ औं महाधिवेशन पराजुली अध्यक्ष र प्रधान महासचिवमा निर्वाचित भएका हुन् । सुनसरीको इनरुवा निवासी प्रधानले लामो समयदेखि कोशी प्रदेशलाई कार्यक्षेत्र बनाएर चलचित्र क्षेत्रमा योगदान पुर्याईरहेका छन् । उनको नेतृत्वमा भर्खरै इनरुवामा पहिलो पटक चलचित्र महोत्सव सफल सम्पन्न भएको थियो । प्रधानले यसअघिको कार्यसमितिमा सचिव पद सम्हालिरहेका थिए ।
यस्तै, संघको उपाध्यक्षमा सुवास गजुरेल र दीपशिखा खड्का, सचिवमा देवेन्द्र पाण्डे, कोषाध्यक्षमा समुन्द्र भट्ट र सह-कोषाध्यक्षमा राज बस्न्यात चुनिएका छन् । सदस्यहरुमा दीपक वली, सौरभ चौधरी, अम्बर ओली, सत्यराज चौलागाई, उत्सव केसी र अमृतमान महर्जन निर्विरोध चुनिए । सह-सदस्य पदका लागि मात्र भएको निर्वाचनबाट सीमा गुरुङ र रामकुमार श्रेष्ठ निर्वाचित भए । यस्तै नयाँ कार्यसमितिको बैठकले कमल एक्चै मगर र भीषण राईलाई सदस्यमा चयन गरेको छ ।
Discussion about this post