इटहरी/ चर्चित हास्य टेलिफिल्म ‘सक्किगोनि’ मा प्रहरी इन्सपेक्टरको भूमिका निर्वाह गरेर लोकप्रियता कमाएका कलाकार पुरुषोत्तम आचार्य जुवाखालबाट पक्राउ परेका छन् । उनलाई जुवातास खेलिरहेको अवस्थामा पक्राउ गरिएको हो । उनिसहित ११ जना पक्राउ परेको जिल्ला प्रहरी परिसर, काठमाडौंका एक अधिकृतले बताए । उनिहरुलाई शनिबार साँझ काठमाडौं महानगरपालिका–८ स्थित गौरीघाटबाट पक्राउ गरिएको हो ।
काभ्रेको बनेपा नगरपालिका-१२ का ४१ वर्षीय राजु महतको गौरीघाटस्थित कोठामा तास खेलिरहेको अवस्थामा पक्राउ पर्नेहरुमा एमालेका नेता तथा कोशी प्रदेशसभा सदस्य बुद्धिकुमार राजभण्डारी, एमालेका सोलुखुम्बु जिल्ला कमिटी सदस्य तथा सोताङ गाउँपालिकाका पूवअध्यक्ष बीरबहादुर राई, उत्तमकुमार राई, अनिश तामाङ, ठूला तामाङ, दीपक खड्का, भीमबहादुर साम्बाहाङ्फे, रवि श्रेष्ठ, राजु महत र माधव थापा रहेका छन् ।
Discussion about this post