इटहरी/ आउँदो भदौको २१ गतेबाट सार्वजनिक प्रदर्शनमा आउने फिल्म ‘रावायण’को यतिबेला चर्चा बाक्लिदो छ । पल शाहलाई एक्सन अवतारमा ‘रावायण’ मा प्रस्तुत गरिएपछी भने फिल्मको चर्चा बढेको हो । लभर ब्वाईको अवतारमा देखिदै आएका अभिनेता शाहले आफुलाई परिस्कृत गर्दै गैरहेका छन् । पछिल्लो समय उनी अभिनित फिल्ममा शाह भिन्न भिन्न अवतारमा प्रस्तुत हुँदै गैरहेको परिप्रेक्षमा रावायणमा एक्सन अवतारमा देखिएका हुन् ।
यो फिल्मको अहिलेसम्म २ पोस्टर र एक टिजर सार्वजनिक भैरहेको छ । प्रचारप्रसारलाई व्यापक बनाउने तयारी गरिरहेको निर्माण युनिटले सार्वजनिक गरेको टिजरलाई सार्वजनिक भएको एक हप्तामा १० लाख बढिले युट्युबमा हेरेका छन् । यता ४ हजार बढिले सकारात्मक प्रतिक्रिया टिजरलाई दिएका छन् । अधिकांशले अभिनेता शाहको लुक्स र एक्सन अवतारलाई मनपराएका छन् । पललाई यो फिल्ममा दोहोरो भुमिकामा देख्न सकिने छ । कान्छा र राघव चरित्रमा उनी नेगेटिभ र पोजेटिभ दुबै शैलीमा प्रस्तुत हुँदैछन् । टिजर हेर्नुस् ।
यता यो फिल्ममा पुजा शर्माको पनि दमदार भुमिका रहेको छ । निर्माण युनिटले सार्वजनिक गरेको पोस्टरमा पुजा पनि पलसंग फिचर्ड भएकी छन् । उनी रिसाएको भावमा प्रस्तुत भएकी छन् । सो पोस्टरको पृष्ठभूमिमा ‘एसिड आक्रमण गर्ने अपराधीलाई कारवाही गर’ भन्ने व्यानरसहित प्रहरी कार्यालय अगाडि प्रदर्शन गरिरहेका एक समूहलाई देखाइएको छ । यसअर्थमा पनि फिल्मले एसिड विरुद्धको कथा पस्कने बुझ्न सकिन्छ ।
निर्देशक सुदर्शन थापाले निर्देशन गरेको ‘रावायण’लाई सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा निर्माण गरिएको हो । यसको निर्मातामा अभिनेत्री पुजा शर्मा नै रहेकी छन् भने सुशन पाठक कार्यकारी निर्माता हुन् । फिल्ममा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ । ‘रावायण’मा समावेश कथा फिल्मका निर्देशक थापाले नै तयार गरेका हुन् ।
Discussion about this post