इटहरी/ बहुप्रतिक्षित फिल्म ‘महाजात्रा’ प्रदर्शन हुन अझै २ दिन बाकी छ । २ दिन बाँकी रहदै गर्दा देशभर अग्रिम टिकट बुकिङ खुल्ला गरिएको छ । यस्तैमा इटहरीमा हाल सन्चानममा रहेको २ ओटा सिनेमाहलमा पनि अग्रिम बुकिङ गर्नेहरुको लर्को सुरु भएको छ । हामिले बुकिङ खुल्ला भएको राती यो समाचार तयार गर्दैगर्दा `महाजात्रा´को इटहरीको इलाईट सिनेमा हलमा चैत ९ गतेको बेलुका ८:३० बजेको शो आधा बुकिङ भैसकेको छ । शुक्रबारदेखि देश तथा बिदेशमा प्रदर्शनीमा आउने चलचित्रको महाजात्राको दर्शकहरु निकै प्रतिक्षामा छन् भन्ने कुरा दर्शकको अग्रिम टिकट बुकिङले नै देखाएको छ ।
इलाईट सिनेमा हलले बिहानको ८:३०, ११:३० दिउँसोको २:३०, साँझको ५:३० र रातिको ८:३० गरि दिनमा ५ शो दिएको छ । जसमध्ये आज बुकिङ खुल्ला भएको दिन नै बेलुका ८:३० को शो आधा बुकिङ भैसकेको हो भने अन्य शोहरुमा समेत बुकिङ थपिदैछ । यस्तै इटहरीमा रहेको अर्को हल QFX Cineflex ले पनि फिल्म `महाजात्रा´लाई बिहानको ८:४५, १२:००, १५:१५, १८:३० र २१:४५ गरि ५ शो नै दिएको छ । यो हलमा पनि बुकिङ जारी छ ।
तर, QFX Cineflex मा भन्दा बुकिङ खुल्ला भएको पहिलो दिन नै इलाईट सिनेमा हलमा ‘महाजात्रा’ बुकिङ आक्रमक देखिएको हो । महाजात्रा टिमले पुर्वदेखि पश्चिमसम्म देशदौडाह गरेर प्रचार गरिसके लगत्तै मंगलबार काठमाडौंमा पत्रकार भेटघाट र प्रिमियर गरेको थियो । प्रिमियर भव्य रुपमा सम्पन्न भएसंगै चलचित्रको तारिफ बढदो छ । चलचित्र जात्रा, जात्रैजात्रा, महापुरुष लगायत फिल्म निर्देशन गरेर दर्शकलाई मख्ख बनाइसकेका प्रदिपले महाजात्रालाई भव्य बनाएको प्रिमियरमा उपस्थितिले प्रतिक्रिया दिईका छन् । यो फिल्म नेपाल लगायत ४० देशमा प्रदर्शन गर्ने तयारी रहेको छ ।
चलचित्रलाई मल्टिपिलेक्स तथा सिंगल थियटरमा राम्रो शो मिलिरहेको छ । फिल्मको मंगलबार आयोजित प्रिमियर सोमा अभिनेता मदनकृष्ण श्रेष्ठ, दयाहाङ राई, अभिनेत्री निशा अधिकारी, केकी अधिकारी , ऋचा शर्मा, सन्तोष पन्त, किरण केसी, जीतु नेपाल, निर्मल शर्मा, दीपाश्री निरौला, गायक प्रकाश सपूत, निर्देशक रामबाबु गुरुङ, पुर्नेन्दु झा, सौरभ चौधरी, प्रचण्डमान श्रेष्ठ, अभिनेता गजित विष्ट, सुशील श्रेष्ठ, अरुण क्षेत्री, मोडल आश्मा विश्वकर्मा लगायतले ‘महाजात्रा’ हेरेर राम्रो प्रतिक्रिया दिएका छन् । प्रदीप भट्टराईको लेखन र निर्देशन रहेको चलचित्रमा म्याक्स दिपेश खत्री र यज्ञश्वर पौडेल निर्माताको रुपमा रहेका छन् भने रवीन्द्र सिंह बानियाँ कार्यकारी निर्माताको रुपमा रहेका छन् ।
हरिवंश आचार्य, विपिन कार्की, रवीन्द्रसिंह बानियाँ, रवीन्द्र झा, वर्षा राउत, अरविन खड्का, दिव्य देव, राजाराम पौडेल लगायत कलाकारको चलचित्रमा अभिनय रहेको छ । यस चलचित्रलाई पुरुषोत्तम प्रधानले खिचेका हुन् भने मित्र डि गुरुङले चलचित्र सम्पादन गरेका हुन् । यस चलचित्रलाई पुरुषोत्तम प्रधानले खिचेका हुन् भने मित्र डि गुरुङले चलचित्र सम्पादन गरेका हुन् । चलचित्रको पब्लिसिटी डिजाइन रोयल भिमसेनले गरेका हुन् ।
Discussion about this post