इटहरी / यस बर्ष दर्शकले सबैभन्दा बढि प्रतिक्षा गरिरहेको चलचित्र ‘महाजात्रा’को काठमाडौंको सिभिल मलमा आयोजित प्रिमियर शो भव्य तरिकाले सम्पन्न भएको छ । प्रिमियरमा सयौं कलाकर्मी, मिडियाकर्मी लगायत विशिष्ट व्यक्तिहरुको उपस्थिति रहेको थियो । प्रिमियर सकिएलगत्तै ‘महाजात्रा’को टिकट बुकिङ पनि खुल्ला गरिएको छ । मंगलबार बेलुकादेखि नै बुकिङ खुल्ला गरिएको हो । अब दर्शकले चलचित्रको टिकट खरिद गर्न सक्नेछन् । चलचित्रलाई मल्टिपिलेक्स तथा सिंगल थियटरमा राम्रो शो मिलेको छ ।
आयोजित प्रिमियर सोमा अभिनेता मदनकृष्ण श्रेष्ठ, दयाहाङ राई , अभिनेत्री निशा अधिकारी , केकी अधिकारी , ऋचा शर्मा, सन्तोष पन्त , किरण केसी , जीतु नेपाल , निर्मल शर्मा , दीपाश्री निरौला , गायक प्रकाश सपूत , निर्देशक रामबाबु गुरुङ , पुर्नेन्दु झा , सौरभ चौधरी , प्रचण्डमान श्रेष्ठ , अभिनेता गजित विष्ट , सुशील श्रेष्ठ , अरुण क्षेत्री , मोडल आश्मा विश्वकर्मा लगायतले ‘महाजात्रा’ हेरेर राम्रो प्रतिक्रिया दिएका छन् ।
‘महाजात्रा’ चैत्र ९ गतेदेखि चलचित्र नेपाल लगायत विश्वभर एकसाथ प्रदर्शन हुनेछ । प्रदीप भट्टराईको लेखन र निर्देशन रहेको चलचित्रमा म्याक्स दिपेश खत्री र यज्ञश्वर पौडेल निर्माताको रुपमा रहेका छन् । भने रवीन्द्र सिंह बानियाँ कार्यकारी निर्माताको रुपमा रहेका छन् ।
हरिवंश आचार्य , विपिन कार्की, रवीन्द्रसिंह बानियाँ, रवीन्द्र झा, वर्षा राउत, अरविन खड्का, दिव्य देव, राजाराम पौडेल लगायत कलाकारको चलचित्रमा अभिनय रहेको छ । यस चलचित्रलाई पुरुषोत्तम प्रधानले खिचेका हुन् भने मित्र डि गुरुङले चलचित्र सम्पादन गरेका हुन् । चलचित्रको पब्लिसिटी डिजाइन रोयल भिमसेन ले गरेका हुन् ।
Discussion about this post