इटहरी/ २०७४ सालमा नेपाल आइडलबाट चर्चामा आएकी गायिका मेनुका पौडेल १४ औं संस्करणको इन्डियन आइडलको अन्तिम प्रतिष्पर्धामा छनौट भएकी छन् । सोमबार राती सार्वजनिक भएको एपिसोडमा राउण्ड फिफ्टिन प्रतिष्पर्धी भित्र गायिका पौडेल पनि परेकी हुन् । अडिसनबाटै उनले फाइनल प्रतिष्पर्धाको यात्रा सुरक्षित गरेकी थिइन् । उत्कृष्ट प्रस्तुति दिदै उनले गोल्डेन माईक हात पारेपछि फाइनलको यात्रा सुरक्षित गरेकी थिइन् ।
अडिसनमा निर्णायकहरुलाई मेनुकाले रुवाएकी थिइन् भने अडिसन राउण्डको प्रस्तुतिमा स्ट्यान्डिङ ओभेसन पनि दिएका थिए । सो प्रस्तुति देखी नै नेपाल सहित भारतभर भाइरल भएकी उनले अडिसन चरणमा ‘तुम्हारे बिना हमारे कोनो नही’को बोलको शाष्त्रीय भजन गाएकि थिइन् । झापाको हल्दिबारीमा जन्मिएकी मेनुका २०७५ सालमा भारतको गायन रियालिटी शो सारेगमपमा समेत सहभागी भएकी थिइन् ।
दृष्टिविहीन भएर पनि उनी यतिबेला उदाहरणीय पात्र बनेकी छन् । उनले टप फिफ्टिन प्रतिष्पर्धाको सार्वजनिक एपिसोडमा ‘अगर तुम हो साजन’ गीत गाएकी थिइन् । उनको प्रस्तुतिले तीन जना निर्णायकले नै स्ट्यान्डिङ ओभेसन दिएका थिए । मेनुकाले निर्णायकहरुलाई गिफ्ट समेत ल्याएकी थिइन् भने सबै निर्णायकहरुले सो गिफ्ट स्वरुप ल्याएको बर्कोलाई ओढेका छन् ।
Discussion about this post