छानबिन गर्न भन्दै सारुकको आमाको प्रश्न ‘छोराको अन्तिम शूटिंगको बेला के भएको थियो ?’

इटहरी/ एउटा सन्तान अपत्यारिलो तवरले गुमाउनु र त्यसको ५२ दिनमै आफ्नो जीवन साथीलाई पनि गुमाउनुको पिँडा एउटा महिलालाई कस्तो होला ? यो प्रश्नको जवाफ सायदै ति महिलासंग पनि हुँदैन होला । जवाफ विहिन बनेर बस्दा पनि पक्कै आश चाहिँ ज्युदो नै रहन्छ भन्ने प्रमाण पस्केकी छन् रुकमणी ताम्राकारले । उनी अभिनेता सारुक ताम्राकारका आमा र सानू ताम्राकारका श्रीमती हुन् ।

आफ्नो छोरा र श्रीमान गुमाउँदै गर्दा छोराको अहिलेसम्म पनि सत्यतथ्य सार्वजनिक नहुँदा सामाजिक संजालबाट प्रहरी प्रशासनलाई छानबिन राम्रो संग गर्न आग्रह गरेकी छन् । पीँडा एकातर्फ भोग्दै गर्दा छोराको सत्यतथ्य प्रहरीले हालसम्म पनि छानबिन गरेर सार्वजनिक नगर्दा रुकमणी सामाजिक संजालबाट गुहार माग्न बाध्य भएको बुझ्न सकिन्छ ।

उनले ‘छोराको अन्तिम शूटिंगको बेला के भएको थियो र मेरो छोराले यो कदम लियो ?’ भन्ने कुराको छानबिन राम्रोसंग गरियोस् भन्दै यस्तो लेखेकी छन् ‘ मेरो छोरा गुमाउनुको साथै ५२ दिनमा मेरो श्रीमान पनि गुमाउदा म माथि ठुलो बज्रपात परेको छ | येतिका दिन सम्म पनि पुलिस प्रशासन बाट छानबिन कहाँ सम्म पुग्यो भन्ने कुराको खबर न आउदा ,म सम्पूर्ण पुलिस प्रशासनलाई अनुरोध गर्दछु कि छोराको अन्तिम शूटिंगको बेला के भएको थियो र मेरो छोराले यो कदम लियो भन्ने कुरा को छानबिन राम्रो संग गरिओस र पुलिस ले फोन details प्रस्ट अगाडी ल्याउनु हुन अनुरोध गर्दछु ।’